انا كنت بسمع الاغنيه دي واتحيرت في معني الجمله دي
الدنيا فيها وفيها في ناس تعيش علشان تحب وناس تحب عشان تعيش
وكذا حد بردو سألني معناها فعاوزه اعرف رأيكم ايه
انا عايشه بيك
وقفت حياتى خلاص عليك
وانت لا عمرك حبتني
وانت لا عمرك حبتني
ده بس كان متهيئ ليك
انت اتعودت عليا وخفت اضيع من بين ايديك
محبتنيش او يعنى ممكن اقول عليك مفهمتنيش
محبتنيش او يعنى ممكن اقول عليك مفهمتنيش
او قلبك انت ارتاح لي بس محسنيش
علشان تعيش لنفسك انت مبتنسنيش
وانا عارفه احساسك بيا بس انت لسىه معرفتنيش
الدنيا فيها وفيها
الدنيا فيها وفيها
في ناس تعيش علشان تحب
وناس تحب عشان تعيش
حبتنى ليه ايه اللى فيا حلمت بيه ؟
حبتنى ليه ايه اللى فيا حلمت بيه ؟
حاجات كتير نفسك فيها حب امتلاكي اتغريت فيه
وان كنت فعلا حبتنى انا حبى ليك يتسمى ايه .؟
محبتنيش او يعنى ممكن اقول عليك مفهمتنيش
او قلبك انت ارتاح لي بس محسنيش
علشان تعيش لنفسك انت مبتنسنيش
وانا عارفه احساسك بيا بس انت لسه معرفتنيش
الدنيا فيها وفيها
الدنيا فيها وفيها
في ناس تعيش علشان تحب
وناس تحب عشان تعيش
//الدنيا فيها وفيها
ردحذففي ناس تعيش علشان تحب
وناس تحب عشان تعيش //
فكرتيني بالمثل اللى بيقول
فى ناس عايشة عشان تاكل
وناس بتاكل عشان تعيش
يعنى زيها كده
غاية ووسيلة
فى ناس واخدة الحب غاية
وناس واخداه وسيلة
ناس بتحب عشان حبت فعلا
يعنى قدرا
وناس بتحب بمزاجها عشان تتسلى
او عشان تجرب احساس الحب نفسه بس
وصلت؟؟
احمد باشا منور
ردحذف\*وصلت؟؟*\
الي حد ما وضح اكتر بعد اذن سعادتك :D
بقولك سعادتك اهو اي خدمه
ايوة تقولى سعادتك طبعا
ردحذفعندك مانع ولا ايه؟؟
:P
ابسطهاااااااالك
هو مثل ناس عايشة عشان تاكل
وناس بتاكل عشان تعيش
المفروض الاكل دا وسيلة للحياة
يعنى بناكل عشان منحسش بالجوع لنبقي على قيد الحياة
دى وظيفة الاكل
لكن فى ناس بطنيه
بيمشو ورا كرشهم زى مبيقولو ههههههه
عايشين عشان ياكلو بس
قبل ما يخلص غدا يفكر فى العشا
تعالى نربط بقي مع المثل بتاعك
ناس بتحب عشان تعيش
لان الاساس فى التعاملات الحب
عشان لو محبيتش هكره
ومش مفروض من اى حد ان يكره حد
اما الحب العاطفة ان حد يحب حد كحبيب
دا المفروض بييجي لوحده
نصيب وبيجيلك فى اى وقت وفى اى مكان
حتى لو مش فى بالك انك تحب
ودا المفروض
جميل؟؟
اما بقي اللى عايشين عشان يحبو
دول اللى بيدورو على الحب بالعافية
يعنى ماشي يحب على روحه
كل اللى يقوله كلمة حلوة يحبه
او يمثل انه بيحبه
او يوهم نفسه انه بيحبه
دول الناس اللى مش مقتنعين ان الحب قدر ونصيب
وماشيين يحبو على روحهم
عايزين بس يجربو احساس الحب
لو ممكن فضول او حب استطلاع
وممكن تسلية كمان
وفى منهم الضحية اللى عايز يملا فراغه العاطفى
دا حق مشروع بس بردو بوقته
الحب احدى مقومات الحياة
حاجة من ضمن حاجات
يمكن تكون احسن الحاجات
بس بردو هو حاجة واحدة
وفى حاجات تانية كتير عايشين عشان نعملها
مش عايشين عشان نحب بس
طبعا الباشمهندس احمد سبقني وقال اللي انا عايز اقوله تقريبا ففي ناس عايشه بس عشان تحب وتتحب وتحب البنت او الولد ده طبعا انا مش مع دي لكن اللي يحب عشان يعيش طبعا لان الحب هو الحياه من غيره نموت مفيش حياه من غير حب مش لازم حب الجنس الاخر مع انه ضروري وهي اصداه هنا لكن ممكن حب زميلك والاخلاص اليه مع اني بردو اؤيد فكره الحب العفيف حب الجنس الاخر مش عيب ولا حرام مادام هو حب عفيف لايتخطي الحددود.ايه رايك في كلام الافلام ده جامد صح.بس بجد انا مؤمن بالحب جدااااااااا.
ردحذفتمام يافندم هو ده رأيي بردو
ردحذفاشكرك علي الاضافه
:D
منور يانور وانا عماله اقول البلوج نور كده ليهD:
ردحذفاشكرك علي ردك ياافندم
حبيبي انت يا دعا والله
ردحذفوعارفة اد ايه الاغنية معلقة معايا اصلا
.
.
بسي اقول انا بقى
هي هنا عايشة بيه (في ناس تحب عشان تعيش)
يعني هو بقى احدى اساسيات حياتها اللي حيتها مش تمشي من غيره
انما هو (في ناس تعيش علشان تحب)
يعني هي من مكملاتت حياته
وحياته ممكن تستوي بدونها :(
بوبا حبيب هارتي :-*
ردحذفكلامك تمام ياكوكي
الله عليكي
ردحذفبجد اغنيه تجنن .. انا بموت فيها :)
بالنسبه لسؤالك بقى
انا مع احمد في كلامه
في ناس عندها الحب غايه حاجه اساسيه في حياته
مستحيل تكمل من غيره
وفي ناس عندها الحب من المكملات
بس معندهاش مانع تحب وتتحب
الاجمل من ده بقى انك تلاقي حد ليه وجهة نظرك في الحب
أيا كان بالنسبالك غايه او مكمل :)
منوراني ياشيمو
ردحذفعلي فكره انا اول مره سمعت الاغنيه دي كان في البلوج بتاعك وعجبتني اوي (:
//وعارفة اد ايه الاغنية معلقة معايا اصلا//
ردحذفاصلا؟؟
//كلامك تمام ياكوكي//
كوكى ال ;))
بقولك ايه صحيح
حرام عليكي اللون ده
دا اسود بانتقام
والاغنية تنيم كده
انا مبقولش وحش
مقدرش اقول اصلا هههههههه
بس حاولى تراعينا شوية حرام عليكي :(
\*كوكى ال *\
ردحذفال ياقاعدين.... عاوز ايه مش هقولك ياكوكي :-p
\*انا مبقولش وحش
مقدرش اقول اصلا هههههههه*\
لحقت نفسك والله يالا خيرها في غيرها اكيد فرصتي هتيجي
\*بس حاولى تراعينا شوية حرام عليكي*\
لاااااء انت بالذات بقي مش هراعيك مش انت ابن لناظر يبقي مش هجاوبك
وبعدين انتوا مين محدش غيرك اتكلم جمع اصوات وكل واحد يمضي ويختم وانا اغير يالا اي خدمه ياعم
//ال ياقاعدين.... عاوز ايه مش هقولك ياكوكي :-p//
ردحذفلا وتقوليلي يا كوكى ليه
بعمل اعلانات فيجيتار ولا ايه :))
//وبعدين انتوا مين محدش غيرك اتكلم جمع اصوات وكل واحد يمضي ويختم وانا اغير يالا اي خدمه ياعم//
على ايه ياما
خليه زى مهو
احنا مش متضررين اوى يعنى
\*على ايه ياما*\
ردحذفكماااااان ياما هقول ايه بس
\*خليه زى مهو
احنا مش متضررين اوى يعنى*\
مانا هخليه اصلا واللي متضرر يلجأ للقضاء
وحتي انت بالذات لو متضرر هسيبه بقي
/:)
ردحذفماشي ماشي
تتردلك فى البلوجات