وانا مالي
وبلغة اليومين دول
كبر دماغك
كبر الجي وروق الدي
السلبيه
شئ مستفز وكتر جدااا اليومين دول الواحد يبقي شايف الغلط بيحصل قدامه ولا يتحرك ويعمل حاجه يقولك وانا مالي ادخل نفسي في مشاكل ليه المهم انا في السليم الباقي يروح يشرب من الترعه مش البحر حتي:D
لو واحد شاف واحد في الشارع عامل حادثه مثلا او تعبان قليل اوي لما حد يقول اوديه المستشفي وتيجي تقوله ليه كده دا ثواب يقولك وانا مالي ياعم دي فيها سين وجيم هو انا ناقص اي حد غيري يوديه وغيره بيقول زيه
ولو ولد شاف بنت حد بيعاكسها في الطريق يحصل زي ماكان بيحصل زمان المنطقه كلها تتقلب وازاي ولد يعمل كده في منطقتنا ولايبقي عادي جداا ويقولك هي اللي مش كويسه تمشي في الشارع ليه اصلا تقعد في البيت احسن
ولو ولد شاف بنت حد بيعاكسها في الطريق يحصل زي ماكان بيحصل زمان المنطقه كلها تتقلب وازاي ولد يعمل كده في منطقتنا ولايبقي عادي جداا ويقولك هي اللي مش كويسه تمشي في الشارع ليه اصلا تقعد في البيت احسن
ولو حد سرق حد ويجي المسروق يقول حرامي يرد عليه الناس الموجودين انت بتدور علي الحرامي اللي سرقك دا مشي من هنا
ياسبحان الله يعني شايفه وهو بيسرق وسيبته وجاي تقولي بعد مامشي من هنا
وكتييييير من ده
هل السلبيه اللي احنا فيها دي من ايه؟؟؟
هل دا ليه علاقه بالعلاقات الاجتماعيه بين الناس معدش حد ليه علاقه بحد
هل لان الشباب دلوقتي مع النت والتليفزيون بقي منغلق مالوش دعوه باللي حواليه
ولا ايه؟؟؟؟؟
اولا بحييكى على اختيارك للموضوع الواقعى ده
ردحذفثانيا بقى موضوع السلبية اعتقد مش بقى بسبب النت والتليفزيون
انا شايف سببه من الضغط اللى علينا كلنا
كل واحد عنده مشاكله مكفياه .. ليه يشغل نفسه بمشاكل ناس تانية
انا معاكى ان فى مواقف كتير مينفعش فيها سلبية خاااالص زى مثلا حكاية الراجل اللى عامل حادثة مثلا او الحرامى
اعتقد السلبية فى المواقف اللى زى دى اسمها جبن
عموما الواحد كل يوم بيعرف حاجات كتير وناس كتير بتلفت نظره لحاجات اكتر واكيد كلنا هنتغير مع الوقت وتكرار المواقف بس المهم يبقى عندنا الاستعداد
هو فى حاجة انا مش متأكد منها بس حاسس ان الجيل اللى طالع ده اما ناس ملتزمة جدا او ناس ضايعة جدا .. مش عارف ده صح ولا غلط .. عموما ربنا يهدى
eslam saad
ردحذفاولا بشكرك يافندم
ثانيا
/* كل واحد عنده مشاكله مكفياه .. ليه يشغل نفسه بمشاكل ناس تانية*/
كل انسان في اي زمن عنده مشاكله اللي تكفيه بس اعتقد كانت الناس قلبها علي بعضها اكتر من دلوقتي
/*هو فى حاجة انا مش متأكد منها بس حاسس ان الجيل اللى طالع ده اما ناس ملتزمة جدا او ناس ضايعة جدا .. مش عارف ده صح ولا غلط .. عموما ربنا يهدى
*/
انا كمان مش عارفه بس اعتقد بردو ان اي جيل فيه ناس ملتزمه وفيه ناس ضايعه وفيه الوسط بردو وإلا مش هيبقي فيه توازن ,وزي مانت قولت ربنا يهدي
السلام عليكم وحمة الله
ردحذفموضوع السلبيه ده اصبح متشعب جدا في كل صغره وكبيره في الحياه خصوصا في الوقت الراهن
ملاحظه صغيره على عنوان البلوج * كلام وخلاص هههههههه مش عارف ليه حاسس فيه سلبيه , ان عمر ماحاجه من الكلام اللي هقوله ده هيتنفذ
بصراحه بحترم اي حد يعرف يحدد غلطه مش علشان مجرد يعرف غلطه بس علشان يقدر يصلحه وميوقعش في الغلط ده تاني
اشكركم على البوست